هاجم الفنان أحمد فلوكس الفنانة المصرية إلهام شاهين بعدما قالت في تصريح لها خلال مشاركتها في برنامج “العرافة” مع بسمة وهبة أن للإعلام أعطاه أهمية أكبر مما يستحق وأنها لن ترد عليه لأنه فنان لأنها أخدت عهدا على نفسها ألا تسيء لزملائها الفنانين مهما قالوا .
وكتب فلوكس منشور طويل عبر صفحته على فايسبوك جاء فيها: “بيدولي اكتر من حجمي…! هي كل حاجة عندك لازم الحجم الأول ماشي، هذا الفيديو به الرد الأمثل على كل ما قلتيه وعلى شخصك ولسانك ليرى الناس بأعينهم الحق من الباطل والمريض من السوي ومين يصعب على مين .. ولما اكتر من حجمي…! وبعدين فتنة فنية…!”.
وتابع: “هو اللي يقول على الملأ كنا بنبوس زمان وفين البوس الجميل مش ده عايز التريند برده؟ زابه اللي حصل للدنيا دي مش فتنة..؟ وتخلي شكلنا أمام الناس إنإحنا بقرون وبرخصة لامؤخذة طب إنتي لا محترمة سنك، ولامحترمة مكانتك لا محترمة حد، وده من الأول حتى والدك، إحنا ذنبنا إيه يطلع شكلنا كده.. وبعدين فتنة علشان محترم… وتريند إيه اللي هاركبوا… هو أنا اللي بقول تصريحات فاجرة خارج عاداتنا وتقاليدنا علشان ابقى تريند..! ده انتي حتي فرحي كنت هاتحتفلي بيه قال علشان تبقي نايبك من الحب جانب”.
وأضاف: “بعدين أضواء إيه يا أستاذة، أنا طول عمري شغلي هو اللي بينورني مش الجيبة يا فندم، وبعد كل ده تقولي نفسيا وصعبان عليكي، أنا اللي صعبان عليكي بردوا، طب ووالدك مكنش صعبان عليكي وانتي مش عملاله اعتبار، وكل الفنانين بيصعبوا عليكي على أساس إن حضرتك عالمة فلك أو عالمة فضاء وبنصعب عليكي”.
وختم أحمد فلوكس موجها كلامه لإلهام شاهين بالقول: “نشكرك يا مدام إلهام وبعدين محامي فنانين مين حضرتك ليه، على أساس إن مافيهاش رجالة فمستنيين ست هي الحامي لينا، على فكرة السيستم ده يمشي في البيت عند حضرتك لأنك كبيرة بيتكم وأخواتك لكن عندنا لا ماتربتش على اللي بتقوليه ده، الراجل عندنا لاموخذه راجل مابيستناش حاجة من ست، بل بيعزها ويكرمها بعد كل ده بتقولي مش هارد هههه”.
وختم منشوره قائلا: «عموما أنا علشان سنك ومكانتك مش هارد، وأشكرك بالنسبة لتعبان من أي حاجه فعيب يا أستاذة هو كلامك كله كده تعبان، اكتر من حجمه، لا مش تعبان ياست الكل وحتى لو تعبان الحمد لله أنا ماعنديش حاجة تستخبى، واللي بيته من إزاز يعمل ايه
اتلم يافلوكس ابوك حفى وراها