عبرت الممثلة اللبناتية نادين نجيم عن غضبها الشديد من بعض منتقديها الذين ينسبون بشكل مستمر نجاحها في الأعمال الفنية الدرامية إلى العمل مع الفنانين السوريين ويتناسون مجهودها وموهبتها في التمثيل .
نادين كتبت منشور طويل عبر صفحتها الرسمية على إنستغرام قالت فيه : ” صباح الخير، مثل العادة كل ما بيكون عندي عمل جديد بسمع هون وهون نفس الأسطوانة، لو ما جماعتنا ولو ما فلان ولو ما السوريين … ” على أساس أنا اللبنانية الوحيدة يلي اشتغلت مع جماعتكم ! كتار اشتغلوا بس الفرق أنه مش الكل حصد نفس النجاح”.
وأضافت : “لأنه بكل بساطة تعبي وجهدي خلال السنين الماضية، وموهبتي من صنع ربي ونعمة من ربي وطموحي وإصراري على النجاح بيرجع لمجهود شخصي وهيدي المهنة بتساع الكل وما بيكمل غير القوي وما بينجح غير الشاطر وشكراً على كل حال لكل حدا مرء بحياتي لانه النجاح بده دعم وبده فريق وبده شركة محترمة وبده كمان شريك ناجح”.
وختمت : “بفتخر بكل انسان اشتغلت معه من أصغرهم لأكبرهم ومن فنيين ومن فنانين، مع الأسف بعد في ناس بتفكر أنه في حدا بالغصب بيقدر يصنع نجاح حدا اذا ما كان بيستاهل، ولو كانت الحياة بتلك السهولة كانت كل الناس نجحت بكافة المجالات ! ، الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر، والحمد الله على كل شيء أتمنى يكون كلامي نقطة تنهي الجدل المستمر يلي ما اله أي طعمة غير يخلق حساسيات ومشاكل بين الناس”.
