فاجأت الإعلامية المصرية المثيرة للجدل ريهام سعيد متبعيها بعدما أعلنت في بث مباشر عبر صفحتها على موقع التواصل الإجتماعي فيسبوك إصابتها بمرض السكري .
وقالت ريهام سعيد خلال البث : ” أنا اكتشفت أن جالي سكر ودي حاجة لا ألوم عليها حد غير نفسي والسبب أني حملت نفسي فوق طاقتي وكنت دايما بقول أن ربنا مش بيدي حد حاجة غير على قد طاقته”.
وتابعت ريهام القول :” السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشها حاليا
طول عمري مكرسة نفسي إني أساعد الآخرين لكن أول مرة أبقى مكلفة إن أنا اللي بتعالج، وقضيت 20 سنة أخلي بالي من الناس ومن شغلي ومن أقاربي وعائلتي، لكن جاء الوقت اللي أخلي بالي فيه من نفسي”.
وأضافت : “سمحت لناس يضايقوني طوال 20 سنة بدون وجه حق وسمحت لنفسي بغبائي إني أضايق نفسي وكل واحد ضايقني ربنا يسامحه ويديله على قد نيته وأدعو الناس اللي عندهم سكر أنهم يحافظوا على صحتهم قدر الإمكان”.
وختمت بالقول: ” لما وصلتني التحاليل حبيت أقولكم خلوا بالكم من نفسكم ومفيش حاجة في الدنيا مستاهلة لأن كل حاجة هتعدي، وما تاخدوش فوق طاقتكم، لأن ربنا عارف أنه بيدي كل واحد حاجة عارف إنه هيتحملها.. ما تضايقوش نفسكم أبدًا”.
