تعرض منزل سارة بدير إبنة الفنان أحمد بدير للإحتراق نتيجة إنفجار مكيف الهواء أثناء نومها هي وإبنتها، ونشرت سارة صورا تظهر تفحم المنزل عبر حسابها الخاص على موقع فايسبوك وعلقت عليها بالقول : “الحمد لله خفي الألطاف الذي نجانا من المهالك ومن سوء المنقلب ولطف بيا أنا وبنتي في اللحظة المناسبة من حريق كبير في شقتي، بسبب انفجار مكيف وإحنا نايمين امبارح، الحمد لله على كل حاجة وأي حاجة ممكن تتعوض بإذنك يارب ما دام أنا وبنتي طلعنا بسلام خلي بالكم قوى من التكييفات يا جماعة خصوصًا اليومين دول وبلاش تناموا وانتم مشغلينها وربنا يسترها علينا وعلى أهالينا وعلى ولادنا جميعا يا رب، آسفة على بشاعة الصور بس دي تذكره ليا عشان دايما أعرف ربنا بيحبني أنا وبنتي قد إيه ألف حمد وشكر ليك يا رب”.
من جهته علق أحمد بدير على حادثة إحتراق منزل إبنته سارة وحفيدته عبر منشور بحسابه على فايسبوك كتب فيه : “نفيا لأي شائعات الحمد لله قدر الله وما شاء فعل، ابنتي سارة وحفيدتي بخير بعد حريق في شقتها بسبب ترك مكيف الهواء يعمل بشكل مستمر”.
وأكمل: “خلوا بالكم ومتسيبوش التكييف شغال وأنتم نايمين في هذا الوقت تحديدا نظرا لظروف الطقس، ربنا يحمينا ويحمي أولادنا جميعا، قدر الله وما شاء فعل والحمد لله على كل حال، وأي حاجة ممكن تتعوض والحمد لله أنهم بخير”.
