أثار محمد عفيفي زوج الفنانة المصرية نجلاء بدر جدلا واسعا على مواقع التواصل الإجتماعي بسبب تصريحاته الأخيرة عبر مداخلة هاتفية في لقاء تلفزيزني كانت زوجته ضيفة عليه قال فيها موجها كلامه لنجلاء : “بحب فيكي إنك بتعملي تشكيلة أدوار كبيرة الفترة اللي فاتت، أدوار مختلفة ومفاجئة، أنا مش متخيل إمبارح كنت بتفرج عليكي، لابسة بدلة واحدة تخينة وعندها بدلة وصدقتك”.
وعند سؤال نجلاء بدر زوجها أنها في حالة أصبحت في الحقيقة وحدة تخينة ما ردت فعله أجاب عفيفي بالقول: “هطلقك طبعا، أنا واخد موديل معين، واخدك عربية سبور ولذيذة، تقلبي أوتبيس، هنزل المحطة الجاية على طول”. لترد عليه زوجته: “إنت من الرجالة اللي هعمل عليها حملة، إنت لازم تستحمل مراتك وهي عيانة وتخينة”.
تصريحات عفيفي عرضته للعديد من الإنتقادات من قبل المتابعين الأمر الذي جعل نجلاء بدر تخرج عن صمتها وترد قائلة: “تفاجأت بردود الأفعال من الجمهور ودفاعهم عني، لكن حرام محمد جوزي كان بيهزر مش أكتر وأنا عشان عارفة طبيعته وحافظة جوزي كويس جدا وعارفة إنه بيهزر “.
وأضافت: “عمري ما تخيلت إن الموضوع هياخد الحجم ده ودفاع الجمهور عني وأكيد هم عندهم حق طبعا لو مش بيهزر يبقى عندهم حق طبعا، ومبسوطة جدا إن الجمهور بيدافع عني وبيدافع عن أي إمرأة جوزها بيقلها كده إنه هيطلقها لو تخنت”.
وختمت قائلة: “بجد هو كان بيهزر لأن دي طبيعته وبيحب الهزار جدا الحمد لله، ودي صفة جميلة جدا فيه ومتخفوش أنا زي الفل وعلاقتنا زي الفل الموضوع كان هزار مش أكتر”.
