تواصلت الفنانة المصرية ياسمين صبري مع متابعيها عبر موقع تويتر عبر مساحة “سبيس ” حيث أعربت في مداخلة لها عن رفضها بفكرة الزواج عن طريق تطبيقات التعارف قائلة: “الرجل الشرقي عموما في قلبه هيبقى ضد إنه عرف مراته أونلاين وهيبقى ضد جدا إنه خرج معاها علشان كلمها من الأنترنت وخياله هيفضل يقول له بصوت خافت هي نزلت مع مين قبل كده وحصل إيه، هتلاقي الراجل مرة يقولها أنا عرفتك من الأنترنت كأنها إهانة”.
وتابعت: “دي مش أصلح طريقة نحن في النهاية مجتمع شرقي مسلم متدين بالإضافة إلى أنه الولد لما بيدخل على التطبيق علشان يتعرف على حد مش بيكون جدي. واحد في المية بس اللي بيكون بطريقة جدية لكن الباقي تسالي أو حد خارج من علاقة وبيسلي نفسه، في المقابل البنت تفكر بطريقة تانية 50 في المائة منهم ممكن يكون داخلين التطبيق وبتفكر بطريقة جدية”.
