نانسي عجرم تنشر فيديو وهي محتجزة في مطار بيروت.. “بنتي ع كتفي ..عيب”

نشرت الفنانة اللبنانية نانسي عجرم مقطع فيديو على حسابها الرسمي عبر “تويتر” وسط مطار بيروت وتظهر فيه وهي حاملة طفلتها الصغيرة ذات 5 أشهر وسط زحام شديد حيث اصطف المئات من المسافرين لإستكمال الإجراءات القانونية ، وأرفقته بمنشور عبرت فيه عن غضبها الشديد من التعامل حيت كتبت “أنا اليوم مش فنانة أو مواطنة لبنانية بنتي عمرها 5 شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانو حواليي ، هل هالشي مسموح ؟ هل مقبول يكون في هلقد إهمال بحقنا كمواطنين بمطار بلدنا ؟ مسموح نكون بعدنا هلقد بعاد عن أبسط حقوق الإنسان ؟”.

وتساءلت : ” ماعندكن ولاد أو مابحسوا بولاد الناس ؟ راضيين بكل أزماتنا بكل الأوضاع اللي فارضينا علينا بس لما توصل لأولادنا وأطفالنا .. لهون وبس .. ”

وتابعت : “بكل بلدان العالم بيكون للمرأة الحامل والطفل الرضيع إستثناءات .. إلا عنا .. يمكن لأن مفكرينا Option ؟ يا حبايب قلبي هيدي من أبسط حقوق المرأة هيدا واجبكن تجاه كل إمرأة .. مش كافينا ريحة الزبالة بالمطار؟ والإهمال ؟ .”

وأضافت : “هيدا لبنان اللي بنتغنى في بكتب التاريخ ؟ هيدا لبنان اللي بدكن تشجعوا السواح يزوروا ؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وأنتو ما كنتوا تحسو ا! ساكتين ساكتين وبعدين ؟ لوين اخدينا ؟ عيب عليكن .”

أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟ pic.twitter.com/QLhTa9nOvp

— Nancy Ajram (@NancyAjram) July 3, 2019