رامي جمال يعلن إصابته ب “مرض ليس له علاج” ويفكر في الإعتزال

أثار المغني المصري الشاب رامي جمال الجدل في الساعات القليلة الماضية بعد إعلانه عن إصابته بمرض البهاق وكشف رامي أنه لاحظ منذ فترة ظهور بقع بيضاء على جسمه وحينما زار الطبيب أكد له أنه يعاني من مرض البهاق . وتحدث رامي جمال عن موضوع مرضه بمنشور على حسابه على انستغرام كتب فيه : “الحمد لله الذي أحبني فإبتلاني وقدرني على الصبر، من فترة ظهرت بقع بيضاء في جسمي وبعد الكشف عرفت أنه مرض البهاق ، وجربت أنواع علاج كثير ودكاترة كتير ومافيش فايدة “.

وتابع : “رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل ، وفعلا بقى بيزيد لدرجة لفتت ناس كتير ، اللي بقى يقول لي هتتعامل الزاي وإنت فنان واللي يخاف يسلم عليا واللي يسألني هو ده معدي . أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ، لدرجة خلت ناس تقولي شوف بيزنس تاني أعمله علشان الناس مش تقبلك كذا ، وفكرت في كلامهم بصراحة .”

وختم رامي قائلا : ” لقيت عندي حلين يا فعلا شكرا لحد كذا على الشغلانة دي رغم حبي ليها وعدم معرفتي بغيرها ، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب ، و الحمد لله على نعمة الأهل لأنهم الوحيدون اللي بيقبلوا الواحد زي ما هو “.