نشر الفنان المصري رامي جمال مقطع فيديو عبر حسابه بموقع أنستغرام للمرة الأولى في الإحتفال باليوم العالمي للبهاق كاشفا أنه يتلقى أسئلة كثيرة حول المرض بإعتباره من أشهر المصابين بالمرض في مصر .
وقال جمال في مقطع الفيديو : “أنا مبحبش أتكلم في حاجة غير الفن، بس بتوصلني أسئله كتير جدا عن علاج البهاق، ودائمًا أرد عليهم في الرسائل الخاصة، أنا لم أعالج البهاق، ولكن أنا اتعالجت نفسيا منه بدعمكم ليا لما إتكلمت عنه في البداية وقلت في ناس مبتحبش تسلم عليا وكذا .. “.
وأضاف :”كل الناس دعموني من أصدقائي في الوسط الفني، وأهلي، والبهاق طلع ميزة مش عيب لأني شفت بسببه حب كبير البهاق إنتشر دلوقتي في كل جسمي . في بداية الأمر كانت نقطة صغيرة كنت براقبها وأنا حزين لكن دلوقتي إتعالجت نفسيا وتقبلت الأمر”
وتابع : ” البهاق مرض مناعي، لم يجد في العلم حتى الآن علاج ليه.أنا بوجه رسالة لأي أم ابنها عنده بهاق، حاولي تدعميه أنه يمتلك ميزة مش موجودة عند أي حد تاني، ووارد أن البهاق يكبر كمان في جسمه بس إيه المشكلة”.
وختم :”أنا بشتغل مغني، وشكلي مهم جدا في عملي، وأنا مش شايف البهاق عيب، ومش بيهمني الناس اللي شايفه إن دا عيب، وربنا يعطي الناس كلها قدرة على تقبل الابتلاء”.
