تحدثت الفنانة المصرية أنغام عن أزمتها مع الفنانة السورية أصالة نصري وذلك خلال حلولها مؤخرا ضيفة على إداعة إنرجي في القاهرة وذلك بعد إختيارها نجمة شهر يناير حيث تطرقت خلالها للعديد من المواضيع من بينها علاقتها بأصالة حيث أكدت أن الأخيرة تعمدت الإساءة لها خلال تصريحاتها الإعلامية وأنها لن تغفر لها .
وقالت أنغام: “هي من تعمدت الإساءة الشخصية إلي أكثر من مرة، والفرق كبير بين الغلط والإساءة عن عمد التي تعد من القتل بالنسبة لي”.
كما كشفت أنغام خلال اللقاء عن رأيها في الضجة التي أتيرت حول فيلم “أصحاب لا أعز” قائلة: “مش متفهمة الضجة التي أثيرت حول الفيلم بالأسلوب ده، مش عجبني اللي حاصل طبعا بالمرة لأنه مبيتقالش رأي، إحنا بنهاجم وبنقل أدبنا على الناس، مش واخدين بالنا إن ده إسمه فن إن دي سينما إن دي شخصيات موجودة والسيناريست جابها من الحياة ممكن حضرتك مش معترف إنها عندكم في البيت أو في عيلتك أو في صحابك براحتك ماتعترفش . وأنا مش قصدي أقولك إعترف إن عندك كده بس لازم تعترف على الأقل إن ده موجود في المجتمع”.
وأضافت: “بلاش نقول فكرة إن احنا نتكلم ودايما وندخل الدين والتقاليد.. هو في إيه؟ التقاليد ما تغيرتش على مدى السنين اللي فاتت؟ حاجات كتير تغيرت،أكيد ، ثقافتنا غيّرت حاجات كتير جداً، التليفون اللي في إيدك غيّر حاجات كتيرة جداً، الانترنت من يوم ما دخل العالم غيّر حاجات كتير جداً، فتح الدنيا على بعضها، الأخلاقيات دي بتاعتك أنت، انت وتربيتك وإنت ومحيطك..”.
