تسبب مقطع فيديو رومنسي نشره الفنان المصري تامر حسني عبر حسابه على موقع إنستغرام يتضمن مشاهد حب وأحضان جمعته بالفنانة حلا شيحة من فلم “مش أنا” في غضب شديد للأخيرة والتي هاجمت زميلها تامر في العمل معتبرة أنه لم يحترم رغبتها في حذف مجموعة من اللقطات الرومانسية بينهما، وجددت تأكيدها على توبتها وتبرأها من فيلم “مش أنا “وذلك عقب زواجها من الداعية معز مسعود. من خلال تدوينة طويلة نشرتها عبر حسابها بإنستغرام قالت فيها : “أنا إتفاجأت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوبا بعد آخر بوست نزلته ووضحت فيه أنا أيه”.
وتابعت حلا شيحة : “وإتفاجأت أكثر بعد وعد تامر حسني ليا وتأكيده أنه حيحترم رغبتي وبعض الطلبات الي طلبتها منه بكل إحترام وود الصيف الي فات وأكدلي إنه حيحترم رغبتي إحنا يمكن نجحنا بمقاييس الدنيا بس صدقوني بمقاييس ربنا إحنا لم ولن ننجح أوا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح “.
وأضافت : ” بتكلم من قلبي الكليب ده ميرضيش ربنا و أنا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان إحنا بشر بس المصيبة إننا بنغفل وننسى، أنا مش حتكسف من حد أنا تبت من المشاهد دي وهي لا تصح و أنا غلطت و بصلح و أهم حاجة إن ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا أغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، إحنا كلنا عندنا امتحان في الدنيا دي و حابة أفكرك بالفيديو ده یا تامر اللي قولت فيه أنا مش بتمني أموت وأنا مطرب، أنا دايما خايف کده.. كلام أكيد قولته في لحظة صدق جواك و جوانا كلنا”.
وختمت: “شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط و نصلح .(إلا من تاب و آمن عمل عملا صلحا أوللېك يبدل الله سيئاتهم حسن وكان الله غفورا رحيما).. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.
