إعتذرت الإعلامية المصرية رضوى الشربيني عن تصريحاتها عن المحجبة والتي اثارت جدلا واسعا بعدما قررت لجنة الشكاوى بالمجلس الأعلى لتنظيم الإعلام فتح تحقيق عاجل معها
وقالت الشربيني : “أنا غلطت أو أفورت في طريقة تعبيري أو في حاجة عايزة أقولها عن المحجبات، لأن أنا قابلت ناس كتير من المحجبات في الفترة دي قالولي عايزين نقلع الحجاب عشان مش عارفين نخرج مع أصحابنا غير المحجبات، ووقتها طلعت وقعدت أشكر في المحجبات لكن الشكرانية دي جت على دماغ اللي مش محجبات، وحسوا أنهم مش كويسين، وبعتذر جدًا لو أنتو فهمتوا ده ، مفيش حد هيدخل جنة أو نار إلا بإذن ربنا سبحانه وتعالي، ولكن أنا كان قصدي أقول إنه أن المحجبة عملت اللي عليها وأكتر مني ومن اللي مش محجبة، لكن ده مالوش أي علاقة بأن اللي مش محجبة ست مش كويسة ولا أنا هكون مش كويسة، ولكن فيه الكويس من المحجبات واللي مش كويس، وده برضه ينطبق على اللي مش محجبات، وربنا هو اللي بيحكم مين هيدخل الجنة ومين هيدخل النار، أنا اتفرجت على فيديو الحلقة ولقيت إني أفورت ولقيت ناس زعلانين وإنتو عندكم ألف حق وحقكم على رأسي”.
وكانت الشربيني في إحدى حلقات برنامجها ” هي وبس ” وجهت نصيحة لكل فتاة ترغب في خلع الحجاب بعدم الإهتمام بآراء من حولها والتمسك بحجابها قائلة : ” كل وحدة هي المحجبة الوحيدة في شلتها صحابها أو في عيلتها او في شارعها إوعي تقلعي الحجاب إنتي أحسن مني ومن غير المحجبة 100 الف مرة .
وأضافت : ” غير المحجبة شيطان نفسها أقوى من إيمانها وقوتها وإنتي أحسن عند ربنا ” .
تصريحات الإعلامية المصرية عرضها للعديد من الإنتقادات حيث إعتبر حقوقيون أن تصريحات الإعلامية المصرية بمثابة تشجيع للمتحرشين بالتحرش بغير المحجبة وذلك من شأنه زيادة العنف ضد المرأة .
