ردت سارة إبنة الفنان المصري أحمد بدير على الإعلامية الكويتية مي العيدان بعدما قامت هذه الأخيرة بالسخرية والتنمر على شكل والدها ، وكتبت سارة منشور عبر حسابها الخاص على موقع فايسبوك قائلة : ” طيب أنا صحيت من النوم انهارده لقيت مصر كلها بعتالى عن بوست أستاذه مي العيدان (الإعلاميه!) . أنا أسمع عن حضرتك طبعا واعرف أنك شخص مشاكس يعشق التنمر وخصوصا التنمر على الفنانيين ، بس حابه أوضحلك كام حاجه كده : أولا أنا أبويا نجم كبير من نجوم الوطن العربى ومحدش هيسمحلك تتكلمى عليه نص كلمه وأعتقد إنك شوفتى ده كفايه فى هجوم الوطن العربى كله عليكى الي أنا نفسي اتفاجأت بيه وبشكر كل الناس الي ردت غيبتنا، ثانيا لو الفنانين بالنسبه لك حياتهم مستباحه فأنا مش فنانه عشان تحطينى معاهم فى جمله مفيده (مع احترامي لكل الفنانيين طبعا)”.
وأضافت قائلة : “ثالثا أبويا الي حضرتك بتغلطى فيه ده علمني أرفض التنمر بجميع أشكاله وحضرتك غلطتى فانا أكيد مش هسكت !واخيرا انا ابويا زى القمر ورأيك بعد اذنك احتفظي بيه لنفسك بعد كده” .
وكانت مي العيدان كعادتها نشرت صورة جديدة وهذه المرة لسارة ووالدها الممثل المصري أحمد بدير وعلقت عليها بالقول : ” صورة إبنة الفنان أحمد بدير .. والله اطلعت بنته مزة .. بنت الأقرع ” .
