بعد أن هاجمت الفنانة السورية اصالة وشمتت في أزمتها الأخيرة كشفت هالة العتال الزوحة الأولى للمخرج الفلسطيني طارق العريان عن تعرضها لتهديدات مستمرة والسب والشتم هي وإبنها ووالده . وذلك بمنشور لها عبر صفحتها على موقع ” فايس بوك” قائلة : ” طيب انا نزلت تاني البوست بتاعي ، لاني مش بخاف وانا اتعرضت لتهديد ، وكمان الناس اللي دخلت على صفحتي باوسخ كلام عني ، وعن ابوه حاجة مش طبيعي ، عشان انا كلمت المحامي وحتقدم ببلاغ لمباحث الانترنيت ، وحقول كلمه بس النهايات اخلاق” .
وكانت هالة العتال الزوجة الاولى للعريان هاجمت اصالة نصري من خلال منشور قالت فيه : ” دي أول مرة ممكن أرد فيها الصورة قاسية عليكي، طيب أنا لما كنت بشوف ألف صورة وإبني مش موجود فيها، يا ترى إحساسي كان إيه؟ كان أكتر من قاسي كان مقهور، طيب لما كنتي بتكتبي العيلة وابني مش موجود فيها إحساسه هو كان إيه؟ أولادك عندهم أب أيمن الذهبي حي يرزق ، لكن إبني كان عنده أب واحد بس، وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما أنتي دلوقت”.
وأضافت العتال : ” الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه ويرفض الظلم طيب مفكرتيش أن في نفسية ولد ممكن تتدمر ، طيب دلوقت أولادك زعلانين من الكسرة طيب يتكلموا معاه ليه لحد دلوقت ، أرجوكي كفاية في أولاد وأنا من حقي أدافع عن إبني اللي نفسيته بقت مش حلوة ، من كتر الحرب على أبوه ، كفاية بعد الإنفصال اللي كنت بتمنى استمراره ليكم وربنا يشهد عليه”.
