علق الداعية المصري الشهير الدكتور مبروك عطية على الخبر الذي أثار ضجة خلال الأيام القليلة الماضية حول إنفصال الفنانة المصرية ياسمين صبري وزوجها رجل الأعمال المصري أحمد أبو هشيمة والأقاويل الكثيرة التي أثارت الجدل فور إعلان طلاقهما رسميا حيث إنتقد الداعية المصري الشماتة التي تعرضت لها الفنانة المصرية كما أعطى رأيه في الأخبار المتداولة عن الأموال والهدايا الفاخرة التي حصلت عليها ياسمين صبري من أبو هشيمة.
وقال عطية في فيديو مصور نشره عبر صفحته على موقع التواصل الإجتماعي فايسبوك : “الدنيا مقلوبة.. تزوجا والزواج شريعة ربنا وأذيع أنهما تطلقا والطلاق شريعة ربنا .. ليه الدنيا مقلوبة”.
وأضاف: “جابلها خاتم في الأول بـ 3 مليون.. كنتوا معاه في الفاتورة؟ ما جايز بربع مليون هو النائب المحترم لو كان إستشرني كنت هقوله 30 ألف حلو يا أبو حميد والباقي أكل بيه الغلابة طيب لو رد عليا وقالي أنا مطلع زكاتي كنت هقوله إيه؟ ولو قولتله تصدق قالي متصدق أقوله إيه؟ مش كفاية زكاة وصدقة أقوله كمان اتبرع بكل مالك؟”.
وتابع: “جابلها عربية بـ 10 مليون، لو استشرني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني مدارس4.. ولو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أعطى لمراته حقها نشيل من رأسنا سواد نظرتنا لكل ذي مال من زمان”.
وإستطرد: “”غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبوهشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. إهدوا.. شايل طاجن ستك ليه عندك سواد ليه دع الملك للمالك ولا هو هيبطل جواز ولا هي هتبطل جواز وتبقى الدنيا جميلة”.
