هاجمت لمياء حلاوة شقيقة رجل الأعمال المصري محمد حلاوة الفنانة المصرية ياسمين عبد العزيز بعد بعد أومتها الأخيرة مع الإعلامية بوسي شلبي والفنانة ريهام حجاج.
وظهرت لمياء في مقطع فيديو نشره محمد حلاوة عبر حسابه على أنستغرام تدافع فيه عن ريهام حجاج زوجة شقيقها الحالية حيث وصفتها بالصديقة المقربة لها وأنها شاهدت حلقتها مع الإعلامية بوسي شلبي وكان كلامها محترما طالبة من ياسمين عبد العزيز بالكف عن الحديث عندهم ومهاجمتهم قائلة : “أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام يتقال على حرابيق وكلام ميصحش يتقال”.
وتابعت : “يا جماعة إحنا بقالنا ثلاث سنين بنتحارب ونتهاجم ويتقال علينا كلام غلط وأحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده “.
وختمت : “احنا خلاص خرجناكي من حياتنا، وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا حاولي أنك تكوني سعيدة لأن احنا بقينا سعداء واحنا بعيد عنك، يارب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك”.
