وصف متابع الفنانة الأردنية نداء شرار ب “عانس” في تعليقه على منشورها حيث كتب: “لا تستني شكلك راح تعنسي فردت عليه الأخيرة بمنشور طويل عبر حسابها على تطبيق الصور والفيديوهات القصيرة أنستغرام قالت فيه: “إحتراما لشخصك علما أنك لا تستحق، بس ما خليت إسمك يبين، أنا بس عندي تعقيب على مصطلح عانس مين اللي إخترح هذا المصطلح؟ أنا بعد سنة راح صير 30 سنة يعني هل أنا راح صير معنسة؟ ما ضل شي تضغظوا فيه على المرأة فصرتوا تنعتوها بكلمة عانس”.
وتابعت نداء : “ويا ريت على عمر ال 30 هلأ بالعشرينات وبسألوكي ليش لسه مش متجوزة وكأنو فيه مشكلة فيكي يعني وفيه بنات بتدخل بحالة اكتئاب كل ما سمعت انو في واحدة من صاحباتها اتجوزت لأن اللي حواليها ضاغطينها، الناس اللي بتفكر بهالطريقه انتم والجهل وجهان لعملة واحدة، لأ وبتضحكوني بس يقعدوا يقولوا لواحدة متى رح نفرح بيكي.. خلص كبرتي وقلت فرصك واقبلي هلأ بأي شي والحقي خلفيلك ولدين قبل ال40
أردفت: فيه أهالي ماشيين على مبدأ خلينا نجوزهم صغار من باب انو كبرت وقادرة تفتح بيت خلص ومش قادرين على مصاريف البنات فبنجوزهم صغار،…. على فكرة انا بقبل ضل مش متزوجة طول حياتي ولا آخد واحد شبهك. البنت بكل المراحل بتضلها قمر وسكر ومنورة”.
وختمت: “”اللي ما بجيها نصيبها مش عانس هيك رب العالمين كاتب كل تأخيرة وفيها خيرة، وفي نماذج كثيرة بالعالم لسيدات ناجحات ومستقلات ومش متزوجات. مين قلك الست ناقصة اذا ما تزوجت؟ هاد نصيب مكتوب من عند رب العالمين”.
