نشر الفنان المصري تامر حسني مقطع فيديو عبر حساباته على مواقع التواصل الإجتماعي يوثق فيه لحظة إقتحامه حفل زفاف أقيم في الولايات المتحدة الأمريكية، حيث قام بمفاجأة العروسين في موقف مؤثر .
تامر علق على مقطع الفيديو الذي شاركه مع متابعيه بالقول: “نادين وديڤيد، فرح غنيت فيه النهاردة في أمريكا لوس انجلوس. حقيقي كان من أجمل الأفراح عشان الجميل إن والدة العريس كانت متفقة معايا وعاملة مفاجأة ليهم من غير ما يعرفوا وفهمتهم إني مش هاجي ومش فاضي، وهما أصلا كانوا حاطين أغنيتي ما يحرمنيش منك لرقصتهم الأولى ومكانوش متخيلين إني موجود لحد ما دخلت فاجئتهم”.
وأضاف تامر حسني: “زي ما انتوا شايفين فرحتهم جميلة قد ايه وفعلا غالية عندي اوي. عايز اقولهم حبكم ليا أثر فيا طول الفرح وأنا كمان حبيتكم جدا إنتوا وكا ضيوفكم اللي بيحبكوا بجد. شكرا اللي نظموا الخطة الجميلة دي . أولهم والدة العريس الجميلة”.
